Critéir chreidiúnaithe
Chun cáiliú i gcomhair creidiúnaithe mar chláraitheoir, ní mór duit, mar iarratasóir, na critéir seo a leanas a shásamh:
Coinníonn tú do láithreán gréasáin feidhmiúil féin.
Má thairgeann tú seirbhísí um chlárúchán ainmneacha fearainn, ní mór go mbeadh do láithreán gréasáin ar fáil i gceann amháin ar a laghad de theangacha oifigiúla an Aontais Eorpaigh agus go mbeadh na nithe seo a leanas ann:
- sonraí iomlána na cuideachta (amhail ainm oifigiúil na cuideachta, foirm dhlíthiúil, uimhir chlárúcháin, seoladh, teileafón, seoladh ríomhphoist, agus láithreán gréasáin);
- tacaíocht chustaiméara i gceann amháin ar a laghad de theangacha oifigiúla an Aontais Eorpaigh;
- faisnéis shoiléir faoi na seirbhísí agus na praghsanna atá á dtairiscint agat;
- seiceáil maidir le hinfhaighteacht fearainn nó nasc chuig whois.eurid.eu.
Má tá do chuid seirbhísí um chlárúchán ainmneacha fearainn á riar trí thríú páirtí, tá tusa fós freagrach as na tairiscintí a dhéanann aon tríú páirtí den sórt sin.
Tá an inniúlacht theicniúil agat chun na seirbhísí um chlárúchán ainmneacha fearainn a chur chun feidhme agus tacú leo ar bhealach gairmiúil agus ceardúil.
Deimhníonn tú go bhfuil dea-chlú ort maidir le cúrsaí airgeadais (coimeádaimid an ceart againn féin tuilleadh cruthúnais ar do chobhsaíocht airgeadais a iarraidh).
