Fáilte go dtí My .eu
Úsáid My .eu – uirlis amháin chun maoirseacht a dhéanamh ar d’ainmneacha fearainn .eu, .ею agus .ευ go léir.
An bhfuil fonn ort breathnú go tapa ar d'ainmneacha fearainn go léir?
An bhfuil roinnt ainmneacha fearainn .eu cláraithe agat le seoltaí ríomhphoist agus/nó cláraitheoirí éagsúla? Tá tú clúdaithe aginn lenár bhfeidhmiúlacht nasctha.
Ar an ardán My .eu , is féidir leat rochtain a fháil ar d’ainmneacha fearainn .eu, .ею agus .ευ go léir. Déanann ár gcóras fearainn atá cláraithe le sonraí clárúcháin comhionanna a ghrúpáil go huathoibríoch. Ina theannta sin, má chláraigh tú fearainn le cláraitheoirí nó seoltaí ríomhphoist éagsúla (ach fós faoi d’ainm agus do sheoladh poist féin), is féidir leat féin iad féin a nascadh in My .eu. Cuireann sé sin ar do chumas monatóireacht a dhéanamh ar a stádas, ar a scór DNSQuality agus ar shonraí an chláraitheora, chomh maith le fíorú rathúil do shonraí clárúcháin a chur i bhfeidhm ar gach fearann nasctha.
An bhfuil fonn ort do shonraí clárúcháin a fhíorú?
Chun comhlíonadh ár rialacha incháilitheachta a chinntiú agus clárúcháin chalaoiseacha a chomhrac, iarraimid ar shealbhóirí fearainn a sonraí clárúcháin a fhíorú. Is féidir leat é sin a dhéanamh i dtrí chéim shimplí.
De réir ár dTéarmaí agus Coinníollacha, ní mór duitse, mar shealbhóir fearainn, do shonraí clárúcháin a choinneáil cruinn, iomlán agus cothrom le dáta i gcónaí. Cuidíonn sé sin le spás idirlín níos sábháilte agus níos iontaofa a chruthú do chách. Chun é sin a chinntiú, iarraimid ort do shonraí clárúcháin a fhíorú trí phróiseas simplí trí chéim ag baint úsáid as ceann de na modhanna fíoraithe uathoibrithe a mholtar.
Próiseas trí chéim
- Faigheann tú iarratas ar ríomhphost chun do shonraí clárúcháin a fhíorú tríd an ardán My .eu, nó is féidir leat an próiseas fíoraithe a thosú tú féin trí My .eu. Féadfaidh tú cód rochtana a fháil (atá bailí ar feadh dhá uair an chloig) ag https://my.eurid.eu.
Más eintiteas dlíthiúil é an sealbhóir, is féidir le hionadaí oifigiúil an eintitis an fíorú a dhéanamh. - Tar éis duit logáil isteach ar My .eu, ba cheart duit do shonraí clárúcháin a athbhreithniú. Má tá gá le ceartúcháin, ní mór duit dul i dteagmháil le do chláraitheoir, mar is é sin an t-aon pháirtí amháin atá in ann é a nuashonrú. Níor cheart duit modh fíoraithe a roghnú as na cinn atá ar fáil ach amháin nuair atá tú cinnte go bhfuil na sonraí cruinn.
- Má thagann d’fhianaise leis na sonraí clárúcháin, cuirfear an t-ainm fearainn i ngníomh. Mura bhfuil, seiceálfaidh agus fíoróidh EURid an clárúchán de láimh.
Modhanna fíoraithe uathoibrithe
Chun dlús a chur leis an bpróiseas fíoraithe agus an t-ualach riaracháin a laghdú, is féidir leat rogha a dhéanamh ó mhórán modhanna fíoraithe uathoibrithe ar an ardán My .eu. Tabhair do d’aire nach bhfuil na modhanna go léir ar fáil in ngach tír AE agus LEE.
Fíorú trí chárta aitheantais leictreonach (eID)
Má tá cárta aitheantais leictreonach agat, is féidir leat do shonraí clárúcháin a fhíorú le eIDAS (seirbhísí aitheantais agus iontaoibhe leictreonaí).
Tá cártaí aitheantais leictreonacha ag teacht chun cinn go tapa mar chártaí caighdeánacha laistigh den Aontas Eorpach a bhuí le eIDAS, a chinntíonn gur féidir le daoine agus gnólachtaí a ríomhaitheantas náisiúnta féin (eIDanna) a úsáid chun rochtain a fháil ar sheirbhísí ar líne i mBallstáit uile an AE.
De réir mar a thugann na Ballstáit isteach de réir a chéile scéimeanna aitheantais leictreonacha a bhfuil leibhéil leordhóthanacha dearbhaithe acu, leanfaimid á gcomhtháthú inár gcórais.
Fíorú le scanadh MRZ agus SMS
Tá Crios Meaisín-Inléite (MRZ) ag formhór na ndoiciméad aitheantais nó taistil ina bhfuil eolas ionchódaithe a bhaineann le sonraí pearsanta (amhail ainm iomlán, an tír a bhfuil tú mar shaoránach de agus uimhir an doiciméid). Cuireann tú d’uimhir fóin póca isteach ar dtús agus faigheann tú teachtaireacht téacs ina bhfuil nasc uathúil. Osclaíonn an nasc seo feidhmchlár nuafhorbartha a threoraíonn tú tríd an bpróiseas chun an Crios Meaisín-Inléite de do dhoiciméad aitheantais a scanadh. Ní fhágann aon sonraí an fón póca go dtí go mbeidh siad deimhnithe agat. Tacaítear leis an modh fíoraithe sin i ngach ceann de 24 theanga oifigiúil an Aontais Eorpaigh.
Fíorú le haistriú bainc
Is féidir leat rogha a dhéanamh idir íocaíocht bheag bhainc a sheoladh nó a fháil.
Is féidir leat méid beag (níos lú ná euro amháin) a aistriú go díreach chuig cuntas bainc EURid. Ní mór cód 10 gcarachtar a chur san áireamh san aistriú bainc a thosaíonn agus a chríochnaíonn le “EU”, le sé dhigit eatarthu (EUXXXXXXEU), a léirítear agus an modh seo á roghnú. A luaithe a gheofar an íocaíocht, déanfaidh EURid na sonraí ó shealbhóir an chuntais bainc a chur i gcomparáid le faisnéis an tsealbhóra fearainn. Má tá an t-eolas ag teacht leis déanfar do chlárúcháin a fhíorú.
Is féidir leat íocaíocht bheag bainc (níos lú ná euro amháin) a fháil ó EURid. Déanfaidh EURid íocaíocht bheag, lena n-áirítear cód 10 gcarachtar a thosaíonn agus a chríochnaíonn le “EU”, le sé dhigit eatarthu (EUXXXXXXEU). Tar éis dó an íocaíocht sin a fháil, logálann sealbhóir an fhearainn isteach ar an ardán My .eu agus iontrálann sé an cód chun a shonraí clárúcháin a fhíorú.
Fíorú le cárta creidmheasa
Is féidir leat do chárta creidmheasa a úsáid chun do shonraí clárúcháin a fhíorú. Ní chuirfidh EURid aon airgead in áirithe ná ní ghearrfaidh sé airgead ar an gcárta, agus ní bheidh aon idirbheart le feiceáil ar ráiteas an chárta creidmheasa.
An bhfuil fonn ort d’ainm fearainn a aistriú?
Tá sé éasca d’ainm fearainn a aistriú chuig cláraitheoir nua agus/nó chuig sealbhóir nua – níl le déanamh ach cód údaraithe aistrithe a sholáthar dóibh.
Is cód 16-charachtar é an cód údaraithe aistrithe (TAC), formáidithe mar XXXX-AAAA-BBBB-CCCC, atá bailí ar feadh 40 lá nó go dtí go n-úsáidfear é. Is é do chláraitheoir a eisíonn é agus is féidir leat é sin a aithint trí chuardach WHOIS ar d'ainm fearainn. Más gá, is féidir leat an TAC a ghiniúint tú féin tríd an ardán My .eu. I gcásanna nach n-oibríonn ceachtar den dá mhodh, is féidir TAC éigeandála a iarraidh ó EURid ach foirm thiomanta a chomhlánú agus a sheoladh, rud atá le fáil sa chuardach WHOIS lookup. Chun eolas níos mionsonraithe a fháil faoi chód údaraithe aistrithe a fháil, féach ar ár alt tiomnaithe san Ionad Tacaíochta.
Tabhair do d’aire go bhfuil sé coiscthe ainm fearainn atá ar fionraí a aistriú chuig cláraitheoir eile, ach amháin i gcásanna a bhfuil cur síos orthu i mBeartas Fíoraithe Sonraí Clárúcháin EURid.
Láimhseálann do chláraitheoir reatha nuashonruithe do shealbhóirí fearainn agus aistriú fearainn chuig sealbhóirí nua. Má dhéantar an cláraitheoir agus an sealbhóir fearainn a athrú, ní mór an TAC a chur ar aghaidh chuig cláraitheoir an tsealbhóra nua. Chun eolas níos mionsonraithe a fháil ar cé a láimhseálann an t-aistriú, féach, le do thoil, ar ár n-alt tiomnaithe san Ionad Cabhrach/Tacaíochta.
Tá nósanna imeachta ar leith d’fhearainn atá bactha, curtha in áirithe, a bhfuil aighneas ag baint leo nó atá faoi ghlas. Éilíonn siad sin teagmháil dhíreach le EURid chun cúnamh a fháil. Ina theannta sin, má thagann deireadh le creidiúnú cláraitheora, treoróidh EURid an t-aistriú chuig cláraitheoir nua ionas nach scriosfar an fearann. Chun eolas níos mionsonraithe a fháil maidir le cé a láimhseálann an t-aistriú, féach ar ár alt tiomnaithe san Ionad Tacaíochta.
An bhfuil fonn ort seiceáil a dhéanamh an bhfuil d'ainm fearainn ag cur le d’infheictheacht ar líne?
Léiríonn an scór DNSQuality atá forbartha ag EURid cáilíocht an tsocraithe DNS (Córas Ainmneacha Fearainn) d'ainm fearainn. Léiríonn sé an bhfuil na seirbhísí atá nasctha le d’ainmneacha fearainn insroichte agus slán, agus is féidir leat é a sheiceáil am ar bith.
Is féidir leat scóir DNSQuality do d’ainmneacha fearainn a chuardach ar an ardán My .eu.
Déanann EURid seiceálacha teicniúla seachtainiúla ar gach ainm fearainn gníomhach, ag ríomh Scór Cáilíochta DNS nua gach seachtain trí sheicheamh tástálacha. Déantar na tástálacha sin do gach ainm fearainn a bhfuil freastalaí ainm amháin ar a laghad nasctha leis agus stádas “In Úsáid” aige. Leithdháileann gach tástáil a dhéantar líon áirithe pointí, agus ríomhtar líon iomlán na bpointí i scór DNSQuality a chuirtear in iúl mar chéatadán. I measc na dtástálacha tá:
- An féidir nó nach féidir teacht ar ainm fearainn thar IPv4 agus IPv6;
- An bhfuil nó nach bhfuil gach ceann de na freastalaithe ainmneacha atá nasctha leis an ainm fearainn sofhreagrach;
- An bhfuil nó nach bhfuil an t-ainm fearainn cumasaithe le Breiseáin Slándála Chóras na nAinmneacha Fearainn, (DNSSEC).
Cén fáth a bhfuil sé chomh tábhachtach go bhfuil an DNS cumraithe i gceart?
- Ionas go mbeidh na seirbhísí atá nasctha le d’ainmneacha fearainn insroichte i gcónaí, (i.e. suíomh gréasáin, seoladh ríomhphoist);
- Ionas go bhfeidhmeoidh na seirbhísí atá nasctha le d’ainmneacha fearainn le slándáil níos airde.
- Chun liosta iomlán de na tástálacha agus tuilleadh eolais faoin Scór DNSQuality a fháil, féach, le do thoil, ar ár n-alt tiomnaithe san ardán Tacaíochta.